Siç u ra dakord gjatë  takimit të  Ministres Denaj me presidentin e Unionit të Dhomave të Tregtisë dhe Industrisë  (TOBB), z.Rifat Hisarciklioglu, më  23 janar në  Ankara, midis datave 23-27 shkurt 2020,  ka zhvilluar punimet grupi i Ministrisë  së  Finacave dhe Ekonomisë  me Unionin e Dhomave të  Tregëtisë  dhe Industrisë turke mbi dhënien e asistencës teknike për të ndihmuar në rritjen e rolit të Bashkimit të Dhomave të Tregtisë së Shqipërisë dhe fuqizimin e kapacitetit të saj.
Programi punës zgjati 3 ditë, me programe informimi dhe njohje rreth organizimit dhe struktures se TOBB, zonave industriale në Turqi, strukturës dhe lidhjen me Ministrinë  e Tregtisë, si dhe seksionin e doganave, e shumë çështje të  tjera me interes.
Pala shqiptare shprehu interes mbi proçesin e anëtarësimit të detyruar të bizneseve në  Union, ku pala pritëse u shprehë  e gatëshme të ofrojë  gjithë suportin e duhur, siç edhe ka bërë  me vende të tilla si Kazakistani, Uzbekistani etj.
Takimet u ndoqen me angazhimin maksimal edhe nga Ambasada jonë në Ankara, ku gjithashu ishte pjesëmarrëse në këto takime.