Shqip
English
Sot, 27 janar 2022, Ministria e Punëve të Jashtme të Izraelit dhe Instituti Ndërkombëtar MASSUAH për Studimet e Holokaustit organizuan në prani të H.E. Kryeministri Naftali Bennett dhe Shefave te Misioneve akredituar në Izrael një ceremoni prekëse me ndezjen e një qiriri përkujtimor nga të gjithë ne për të nderuar kujtimet e miliona jetëve të humbura gjatë SHOAH.
Shqipëria mbetet e përkushtuar ndaj përpjekjeve të saj për të përkujtuar Shoah-un dhe për të vepruar kundër mohimit dhe shtrembërimit të Holokaustit dhe për të luftuar antisemitizmin në të gjitha format e tij. Ndërsa ne sot nderojmë kujtimin e miliona hebrenjve të pafajshëm të vrarë nga nazistët gjatë Luftës së Dytë Botërore,gjithashtu ndjehemi krenar per faktin që hebrenjtë në Shqipëri u mirëpritën, u strehuan dhe u shpëtuan nga tragjedia e sigurtë.
