Shqip
English 
Ελληνικά
Në kuadër të nismës “Dhuro Libra”, nisi procesi i shpërndarjes së librave të parë të dërguar nga Ministri i Shtetit për Diasporën, Ministria e Drejtësisë së Republikës së Shqipërisë, në bashkëpunim me Ministrinë për Evropën dhe Punët e Jashtme, Agjencinë Kombëtare për Diasporën dhe Qendrën e Botimeve, të destinuar për shtetasit shqiptarë që vuajnë heqjen e lirisë pranë Institucioneve të Ekzekutimit të Vendimeve Penale në Greqi, me rastin e Ditës Ndërkombëtare të Gjuhës Amtare, të datës të 21 shkurtit, për ti dhënë mundësinë këtyre shtetasve të lexojnë në gjuhën amtare. Këtij kontigjneti i janë bashkëngjitur edhe donacione nga shoqata shqiptare në Greqi, të cilat i falënderojmë për kontributin dhe gatishmërinë e tyre për t΄i ardhur në ndihmë bashkatdhetarëve tanë.
Përfaqësuesit e Ambasadës u gjendën pranë Departamentit të Grave në "Burgun Korydallos", ku u takuan me Drejtoreshën e këtij institucioni, punonjësit social dhe disa prej shtetasve shqiptare që vuajnë heqjen e lirisë së tyre dhe morën një pasqyrë mbi situatën e pergjithshme, u informuan mbi gjëndjen shëndetësore të shtetasve dhe dëgjuan kërkesat e nevojat e tyre.
