Shqip
English 
Ελληνικά
Delegacioni i Kuvendit të Shqipërisë zhvilloi, gjithashtu, një takim me Ministrin e Punës dhe Çështjeve Sociale të Greqisë, z. Kostis Hatzidakis. Vëmendjen kryesore në këtë takim e zuri komuniteti shqiptar në Greqi, i integruar plotësisht në jetën ekonomike, sociale dhe kulturore të Greqisë. Z. Taulant Balla kërkoi nga Qeveria greke vijimin e lehtësimit të procedurave për punëmarrësit sezonalë.
Në frymën dhe shembullin e marrëveshjeve të ngjashme të Shqipërisë me vendet e tjera të Bashkimit Evropian, z. Balla theksoi se është e domosdoshme përmbyllja e një Marrëveshjeje me Greqinë në fushën e sigurimeve shoqërore – për njohjen e ndërsjelltë të tyre për efekt pensioni në Greqi dhe në Shqipëri. Në këtë takim, u arrit mirëkuptimi që procesi të vijojë mes ekspertëve nga ministrive përkatëse të të dy vendeve.
