Të nderuar bashkëatdhetarë,

Ju njoftojmë se, me rastin e shënimit të 22 nëntorit - Ditës së Alfabetit të Gjuhës Shqipe, Ambasada e RSH në Greqi do të jetë e mbyllur dhe nuk do të ofrojë shërbime gjatë kësaj dite.

Faleminderit për mirëkuptimin!

Ambasadorja e Republikës së Shqipërisë, znj. Luela Hajdaraga, mori pjesë në Ceremoninë e Ndarjes së Çmimeve “SHARE Architecture”, e cila është pjesë e edicionit të pestë të Forumit Ndërkombëtar të Arkitekturës ‘‘SHARE Greece 2024’’, zhvilluar në Konservatorin e Athinës. Kjo ceremoni i dedikohej projekteve të jashtëzakonshme nga Evropa Qendrore dhe Juglindore, duke theksuar ndikimin në rritje të Evropës Lindore në narrativën globale të arkitekturës.

Ambasadorja e Republikës së Shqipërisë në Greqi, znj. Luela Hajdaraga, mori pjesë në eventin zyrtar të lançimit të Qendrës së Kërkimit dhe Monitorimit për Turizmin Bregdetar dhe Detar në Mesdheun Lindor, organizuar nga Ministria e Turizmit të Greqisë, nën kujdesin e Ministres znj. Olga Kefalogianni dhe e mbështetur nga Organizata Botërore e Turizmit – (UNWTO).

Ambasadorja e Republikës së Shqipërisë në Greqi, znj. Luela Hajdaraga, pati kënaqësinë të mirëpriste në Ambasadë z. Benard Veliu, trajner i Klubit Shqiptar të Futbollit APOLONIA FC ATHINA, dhe z. Andonis Tsatsos, President i Klubit Apollonia dhe sipërmarrës i suksesshëm shqiptar në Greqi.