Shqip
English 
Ελληνικά
Gjatë vizitës së saj në Armeni, Ambasadorja znj. Luela Hajdaraga zhvilloi edhe disa takime të rëndësishme, konkretisht me: Zëvendës Ministrin e Jashtëm, z. Paruyr Hovhannisyan, Zëvendës Ministrin e Ekonomisë, z. Armen Arzumanyan, Zëvendës Ministrin e Arsimit, Shkencës, Kulturës dhe Sportit, z. Artur Martirosyan, Drejtorin e Departamentit Evropian të MPJ-së, z. Ara Margaryan dhe Zëvendës Drejtorin të Protokollit të Shtetit, z. Karen Israyelyan.
Gjatë këtyre takimeve, bashkëbiseduesit diskutuan mbi ecurinë e marrëdhënieve mes dy vendeve në kuadrin bilateral dhe multilateral, mbi mundësi të reja për zgjerimin e bashkëpunimit në fusha me interes të përbashkët - me fokus të veçantë në ekonomi dhe turizëm, plotësimin e kuadrit bazë ligjor nëpërmjet nënshkrimit të disa marrëveshjeve të reja, pjesëmarrje në aktivitete ekonomike, mundësi për takime dhe vizita në nivele të larta, për periudhën në vijim.
