Shqip
English 
Ελληνικά
Ishte një kënaqësi të mirëprisnim në ambientet e ambasadës delegacionin shqiptar, në përfundim të mbledhjes së komisionit ndërshtetëror Shqipëri - Greqi në fushën e sigurimeve shoqërore.
Në datat 6-7 shtator 2022, u zhvillua për herë të parë në Athinë mbledhja e komisionit të ekspertëve teknikë Shqipëri-Greqi për çështjet e sigurimeve shoqërore. Diskutimet teknike dhe shkëmbimi i informacioneve lidhur me sistemet e sigurimeve shoqërore të të dy vendeve, hapin siparin e një serie takimesh me synim forcimin e bashkëpunimit në fushën e sigurimeve.
Shqipëria dhe Greqia si dy vende fqinje dhe mike ndërlidhen me një histori shumëvjeçare bashkëjetese, si të komunitetit shqiptar në Greqi ashtu dhe të shtetasve grekë me veprimtari dhe kontribute pune në Shqipëri. Në këtë kuadër, fillimi i bisedimeve në nivel ekspertësh është një hap në drejtimin e duhur për forcimin e bashkëpunimit ndërinstitucional si dhe një ogur i mirë për arritjen e marrëveshjes në fushën e pensioneve, e cila është në interes të qytetareve shqiptarë dhe grekë me kontribute në ekonomitë e të dy vendeve.
