Më 28 nëntor 2015 u zhvillua në selinë e Parlamentit Europian në Strasburg, Takimi Përgatitor - paraprirës i Takimit të 9 të Komitetit Parlamentar të Stabilizim Asocimit BE-Shqipëri (SAPC), në të cilin Shqipëria u përfaqësua nga Zëvendësministrja e Punëve të Jashtme, znj. Odeta Barbullushi. 

Takimi u drejtua nga Kryetarja e Delegacionit për Shqipërinë në Parlament Europian, znj. Monica Macovei, në prezencë të disa nga eurodeputetët-pjesë të këtij delegacioni dhe Raporterit për Shqipërinë në PE, z. Knut Fleckenstein. Komisioni Europian u përfaqësua nga z. Georg Ziegler, Zv. Shef i Njësisë për Shqipërinë dhe Bosnjë-Hercegovinën në DG NEAR. 

Zv.Ministrja Barbullushi rikonfirmoi angazhimin e qeverisë shqiptare për përmbushjen e masave të Udhërrëfyesit në 5 prioritetet kyçe, si parakusht për hapjen e negociatave të anëtarësimit, me fokus të vecantë në reformën në drejtësi, track rekordet e masave antikorrupsion dhe ndaj krimit të organizuar, si dhe impaktet e reformave në ekonomi e fushat sociale.

Takimi i 9-të i SAPC BE-Shqipëri do të zhvillohet në Bruksel më 9-10 nëntor 2015.