Tiranë, 09 shtator 2024 – Në Ministrinë për Evropën dhe Punët e Jashtme zhvilloi një ligjëratë mbi përparësitë e Presidencës Hungareze të Këshillit të Bashkimit Evropian, me theks të veçantë në zgjerimin e BE-së, përfshirë me Ballkanin Perëndimor dhe Shqipërinë, z.Márton Ugrósdy, Zëvendës Sekretar Shtetit në Zyrën e Kryeministrit të Hungarisë dhe Drejtori Politik në Zyrën e Kryeministrit.

Ministria e Punëve të Jashtme, Drejtoria e Diplomacisë Ekonomike, njofton të gjithë qytetarët shqiptarë jashtë vendit që janë pjesë e sektorit të gastronomisë, se në datat 2 dhe 3 Tetor 2024, në Arena Halle, Berlin, Gjermani, do të zhvillohet Global Albanian Gastronomy Festival (GAGF).  Ky event organizohet me mbështetjen e Agjencisë Kombëtare të Diasporës.

Bled (Slloveni), 3 Shtator 2024 – I ftuar në Forumin Strategjik të Bledit, Ministri për Evropën dhe Punëve të Jashtme të Shqipërisë, Z. Igli Hasani, mori pjesë në panelin me temë “Evropa e plotë dhe e lirë: Një angazhim i ripërtërirë për sigurinë evropiane”.
Gjatë panelit Ministri Hasani parashtroi përparimin e rëndësishëm që ka bërë Shqipëria, në udhëtimin e saj drejt integrimit evropian, duke thënë, “Është e rëndësishme të kuptohet se Shqipëria nuk ka bërë thjesht përparim; Shqipëria ka bërë një përparim të madh që është konkret, i matshëm dhe real, dhe pranohet si i tillë.”

Slloveni, 2 shtator – Ministri për Evropën dhe Punët e Jashtme, Igli Hasani, mori pjesë në hapjen e punimeve të Forumit Strategjik të Bledit me temë ‘Një botë realitetesh paralele’, ku u prit nga Zëvendëskryeministrja dhe Ministrja e Punëve të Jashtme dhe Çështjeve Evropiane të Sllovenisë, Tanja Fajon.
Çështjet që do të trajtohen në forum janë sfidat aktuale të sigurisë që po ndodhin në shoqërinë ndërkombëtare, por dhe ato të ardhshme globale.
Ministri Hasani është i ftuar në panelin me temë ‘Evropa e plotë dhe e lirë: një angazhim i ripërtërirë për sigurinë evropiane”.