Biografia

Z. Ferit Hoxha iu bashkua shërbimit të jashtëm shqiptar në vitin 1991 dhe që atëherë ka qenë aktiv në fushën e marrëdhënieve me jashtë. Nga viti 1991 deri në vitin 1995 ka mbuluar marrëdhëniet e Shqipërisë me Bashkimin Evropian, në MPJ të Shqipërisë. Në vitin 1995, ai ka shërbyer si Këshilltar në Misionin e Shqipërisë në Kombet e Bashkuara, Nju Jork. Nga viti 1996 deri në vitin 1998 ka mbajtur postin e Drejtorit për Marrëdhëniet Shumëpalëshe në MPJ e Shqipërisë. Në vitet 1998 dhe 2001 ai shërbeu si Ambasador në Bashkimin Evropian, Ambasador në Belgjikë, si dhe jo-rezident në Luksemburg. Nga viti 2001 deri në vitin 2006 ai ishte ambasador në Francë, duke përfshirë jo-rezident në Portugali, Algjeri dhe Monako. Në periudhën 2006 dhe 2009, ai ka mbajtur postin e Sekretarit të Përgjithshëm të Ministrisë së Punëve të Jashtme, pozicioni më i lartë i shërbimit civil. Gjatë kësaj kohe, ai shërbeu gjithashtu si Koordinator Kombëtar për Aleancën e Qytetërimeve dhe ishte Guvernator i Shqipërisë në Bordin e Guvernatorëve të Agjencisë Ndërkombëtare të Energjisë Atomike (IAEA) (2007 – 2008).

Nga viti 2009 deri në vitin 2015 ka qenë Ambasador dhe Përfaqësues i Përhershëm i Shqipërisë në Kombet e Bashkuara në Nju Jork dhe Ambasador jo-rezident i Shqipërisë në Kubë. Nga nëntori 2015 deri në mars 2018 ka qenë Drejtor i Përgjithshëm për Çështjet Politike dhe Strategjike në Ministrinë për Evropën dhe Punët e Jashtme të Shqipërisë. Nga marsi 2018 deri në tetor 2021 ai shërbeu si Ambasador dhe Delegat i Përhershëm i Shqipërisë në UNESCO, në Paris. Më 30 shtator 2021 u emërua Ambasador dhe Përfaqësues i Përhershëm i Shqipërisë në Kombet e Bashkuara në Nju Jork, si dhe Ambasador jo-rezident i Shqipërisë në Kubë.

Arsimi

Z. Hoxha është i diplomuar në Universitetin e Tiranës, (Shqipëri) për gjuhë dhe qytetërim frëngjisht. Ka ndjekur Institutin Holandez të Marrëdhënieve Ndërkombëtare në Hagë; Qendra e Studimeve Ndërkombëtare dhe të Sigurisë në Maryland (SHBA), ka studiuar menaxhim të nivelit të lartë me Universitetin Georgetown dhe Artin e Negociatave me Universitetin e Kalifornisë. Në vitin 2017, ai mori pjesë në Sesionin e 11-të të Studimeve Mesdhetare të IHEDN, Paris, Francë.

Titujt

Z. Hoxha është nderuar me titullin “Dignité de Grand Officer” i Urdhrit Kombëtar Francez të Meritës; titullin “Ufficiale del Ordine della Stella i Republikës Italiane” dhe titullin “Personnalité francophone de l’Albanie pour l’année 2007” nga Ministria e Punëve të Jashtme shqiptare.

Gjuhët

Përveç gjuhës amtare, z. Hoxha flet rrjedhshëm anglisht, frëngjisht dhe italisht dhe zotëron mirë gjuhën spanjolle.